kabhi kabhi to mohabbat ki zindagi ke liye
KHud un ko hum ne ubhaara hai barhami ke liye

Matin Niazi

---

---

husn ki be-ruKHi ko ahl-e-nazar
hasil-e-iltifat kahte hain

Matin Niazi

---

---

ho na jab tak 'matin' kaif-e-gham
aadmi ko KHuda nahin milta

Matin Niazi

---

---

hum to aashufta-sari se na sanwarne pae
aap se kyun na sanwara gaya gesu apna

Matin Niazi

---

---

aae the be-niyaz teri bargah mein
jate hain ek hujum-e-tamanna liye hue

Matin Niazi

---

---

gulshan ke parastaro tum ko to pata hoga
wo kaun hain aaKHir jo kaliyon ko masalte hain

Matin Niazi

---

---

gham-e-maal gham-e-zindagi gham-e-dauran
hamare ishq ka charcha kahan kahan na raha

Matin Niazi

---

---

gham-e-insan ko sine se laga lo
ye KHidmat bandagi se kam nahin hai

Matin Niazi

---

---

gham ki tashrih hansi-khel nahin hai koi
pahle insan tu bin phir ye hunar paida ka

Matin Niazi

---

---