aaj kal jo kasrat-e-shoridgan-e-ishq hai
roz hote jate hain haddad naukar saikDon

Maatam Fazl Mohammad

---

---

aaj masjid mein nazar aata to hai mai-kash magar
matlab us ka bechna hai shaiKH ki dastar ka

Maatam Fazl Mohammad

---

---

aatish ka sher paDhta hun aksar ba-hasb-e-haal
dil said hai wo bahr-e-suKHan ke nahang ka

Maatam Fazl Mohammad

---

---

agar samjho namaz-e-zahid-e-maghrur yaro
hazaron bar behtar-tar hamari be-namazi hai

Maatam Fazl Mohammad

---

---

apne bhi ishq ko zawal na ho
na tumhaare jamal ko hai kamal

Maatam Fazl Mohammad

---

---

chhuTta hai ek to phanste hain aa kar is mein do
aaj-kal hai garm-tar kya KHub bazar-e-qafas

Maatam Fazl Mohammad

---

---

dariya mein wo dhoya tha kabhi dast-e-hinai
hasrat se wahin panja-e-marjaan mein lagi aag

Maatam Fazl Mohammad

---

---

dekh kar hath mein tasbih gale mein zunnar
mujh se bezar hue kafir o din-dar juda

Maatam Fazl Mohammad

---

---

deta hai roz roz dilase nae nae
kis tarah e'tibar ho 'hafiz' ke fal pa

Maatam Fazl Mohammad

---

---