ek ek kar ke log nikal aae dhup mein
jalne lage the jaise sabhi ghar ki chhanw mein

Khatir Ghaznavi

---

---

fazaen chup hain kuchh aisi ki dard bolta hai
badan ke shor mein kis ko pukaren kya mangen

Khatir Ghaznavi

---

---

go zara si baat par barson ke yarane gae
lekin itna to hua kuchh log pahchane gae

Khatir Ghaznavi

---

---

gulon ki mahfil-e-rangin mein KHar ban na sake
bahaar aai to hum gulsitan se lauT aae

Khatir Ghaznavi

---

---

ek tajassus dil mein hai ye kya hua kaise hua
jo kabhi apna na tha wo ghair ka kaise hua

Khatir Ghaznavi

---

---

insan hun ghir gaya hun zamin ke KHudaon mein
ab bastiyan basaunga ja kar KHalaon mein

Khatir Ghaznavi

---

---

jo phul aaya sabz qadam ho ke rah gaya
kab fasl-e-gul hai fasl-e-tarab apne shahr mein

Khatir Ghaznavi

---

---

kaisi chali hai ab ke hawa tere shahr mein
bande bhi ho gae hain KHuda tere shahr mein

Khatir Ghaznavi

---

---

'KHatir' ab ahl-e-dil bhi bane hain zamana-saz
kis se karen wafa ki talab apne shahr mein

Khatir Ghaznavi

---

---