logon ne to suraj ki chaka-chaund ko puja
main ne to tere sae ko bhi sajda kiya hai

Khatir Ghaznavi

---

---

main ise shohrat kahun ya apni ruswai kahun
mujh se pahle us gali mein mere afsane gae

Khatir Ghaznavi

---

---

qatre ki juraton ne sadaf se liya KHiraj
dariya samundaron mein mile aur mar gae

Khatir Ghaznavi

---

---

sar rakh ke so gaya hun ghamon ki salib par
shayad ki KHwab le uDen hansti fazaon mein

Khatir Ghaznavi

---

---

tu nahin pas teri yaad to hai
tu hi to sujhe jahan tak sochun

Khatir Ghaznavi

---

---

wahshaten kuchh is tarah apna muqaddar ban gain
hum jahan pahunche hamare sath virane gae

Khatir Ghaznavi

---

---

ye kaun chupke chupke uTha aur chal diya
'KHatir' ye kis ne luT lin mahfil ki dhaDkanen

Khatir Ghaznavi

---

---