aag ka kya hai pal do pal mein lagti hai
bujhte bujhte ek zamana lagta hai
Kaif Bhopali
aap ne jhuTa wada kar ke
aaj hamari umr baDha di
Kaif Bhopali
chahta hun phunk dun is shahr ko
shahr mein in ka bhi ghar hai kya karun
Kaif Bhopali
chaar jaanib dekh kar sach boliye
aadmi phirte hain sarkari bahut
Kaif Bhopali
chalte hain bach ke shaiKH o barhaman ke sae se
apna yahi amal hai bure aadmi ke sath
Kaif Bhopali
dagh duniya ne diye zaKHm zamane se mile
hum ko tohfe ye tumhein dost banane se mile
Kaif Bhopali
dar-o-diwar pe shaklen si banane aai
phir ye barish meri tanhai churane aai
Kaif Bhopali
ek kami thi taj-mahal mein
main ne teri taswir laga di
Kaif Bhopali
gul se lipTi hui titli ko gira kar dekho
aandhiyo tum ne daraKHton ko giraya hoga
trees you may have rooted out, o storms but now this hour
lets see you drop the butterfly thats clinging to the flowe
Kaif Bhopali