aaina kabhi qabil-e-didar na howe
gar KHak ke sath us ko sarokar na howe

Ishq Aurangabadi

---

---

aankhon se dil ke did ko mane nahin nafas
aashiq ko ain-hijr mein bhi wasl-e-yar hai

Ishq Aurangabadi

---

---

aashiq ki siyah-rozi ijad hui jis din
us roz se KHwabon ki ye zulf pareshan hai

Ishq Aurangabadi

---

---

ai muqallid bul-hawas hum se na kar dawa-e-ishq
dagh lala ki tarah rakhte hain madar-zad hum

Ishq Aurangabadi

---

---

duKHtar-e-raz mat kaho napak hai
aabru-e-dudman-e-tak hai

Ishq Aurangabadi

---

---

gar shaiKH ne aah ki to mat bhul
dil mein patthar ke bhi sharar hai

Ishq Aurangabadi

---

---

giraftari ki lazzat aur nira aazad kya jaane
KHushi se kaTna gham ka dil-e-nashad kya jaane

Ishq Aurangabadi

---

---

ho gul bulbul tabhi bulbul pe bulbul phul kar gul ho
tere gar gul-badan bar mein qaba-e-chashm-e-bulbul ho

Ishq Aurangabadi

---

---

'ishq' raushan tha wahan dida-e-ahu se charagh
main jo yak raat gaya qais ke kashane mein

Ishq Aurangabadi

---

---