musalsal jagne ke baad KHwahish ruTh jati hai
chalan sikha hai bachche ki tarah us ne machalne ka

Iqbal Sajid

---

---

pyaso raho na dasht mein barish ke muntazir
maro zamin pe panw ki pani nikal paDe

Iqbal Sajid

---

---

pyar karne bhi na paya tha ki ruswai mili
jurm se pahle hi mujh ko sang-e-KHamyaza laga

Iqbal Sajid

---

---

pichhle baras bhi boi thin lafzon ki khetiyan
ab ke baras bhi is ke siwa kuchh nahin kiya

Iqbal Sajid

---

---

paDhte paDhte thak gae sab log tahriren meri
likhte likhte shahr ki diwar kali ho gai

Iqbal Sajid

---

---

mom ki siDhi pe chaDh kar chhu rahe the aaftab
phul se chehron ko ye koshish bahut mahngi paDi

Iqbal Sajid

---

---

mere hi harf dikhate the meri shakl mujhe
ye ishtihaar mere ru-ba-ru bhi hona tha

Iqbal Sajid

---

---

oe hue bhi un ko kai sal ho gae
aankhon mein aansuon ki numaish nahin hui

Iqbal Sajid

---

---

mujh pe patthar phenkne walon ko tere shahr mein
narm-o-nazuk hath bhi dete hain patthar toD ka

Iqbal Sajid

---

---