mere ghar se ziyaada dur sahra bhi nahin lekin
udasi nam hi leti nahin bahar nikalne ka
Iqbal Sajid
'sajid' tu phir se KHana-e-dil mein talash kar
mumkin hai koi yaad purani nikal paDe
Iqbal Sajid
saza to milna thi mujh ko barahana lafzon ki
zaban ke sath labon ko rafu bhi hona tha
Iqbal Sajid
suraj hun chamakne ka bhi haq chahiye mujh ko
main kohr mein lipTa hun shafaq chahiye mujh ko
Iqbal Sajid
suraj hun zindagi ki ramaq chhoD jaunga
main Dub bhi gaya to shafaq chhoD jaunga
Iqbal Sajid
us ne bhi kai roz se KHwahish nahin oDhi
main ne bhi kai din se irada nahin pahna
Iqbal Sajid
wo bolta tha magar lab nahin hilata tha
ishaara karta tha jumbish na thi ishaare mein
Iqbal Sajid
wo chand hai to aks bhi pani mein aaega
kirdar KHud ubhar ke kahani mein aaega
Iqbal Sajid
ye tere ashaar teri manawi aulad hain
apne bachche bechna 'iqbaal-sajid' chhoD de
Iqbal Sajid