taq par juzdan mein lipTi duaen rah gain
chal diye beTe safar par ghar mein maen rah gain
Iftikhar Naseem
koi baadal mere tapte jism par barsa nahin
jal raha hun jaane kab se jism ki garmi ke sath
Iftikhar Naseem
main shisha kyun na bana aadmi hua kyunkar
mujhe to umr lagi TuT phuT jaane tak
Iftikhar Naseem
mujh se nafrat hai agar us ko to izhaar kare
kab main kahta hun mujhe pyar hi karta jae
Iftikhar Naseem
na ho ki qurb hi phir marg-e-rabt ban jae
wo ab mile to zara us se fasla rakhna
Iftikhar Naseem
na jaane kab wo palaT aaen dar khula rakhna
gae hue ke liye dil mein kuchh jagah rakhna
Iftikhar Naseem
tu to un ka bhi gila karta hai jo tere na the
tu ne dekha hi nahin kuchh bhi tu pagal hai abhi
Iftikhar Naseem
ye kaun mujh ko adhura bana ke chhoD gaya
palaT ke mera musawwir kabhi nahin aaya
Iftikhar Naseem
us ke chehre ki chamak ke samne sada laga
aasman pe chand pura tha magar aadha laga
Iftikhar Naseem