as ek bar hi toDa jahan ne ahd-e-wafa
kisi se hum ne phir ahd-e-wafa kiya hi nahin

Ibrahim Ashk

---

---

ikhre hue the log KHud apne wajud mein
insan ki zindagi ka ajab bandobast tha

Ibrahim Ashk

---

---

chale gae to pukaregi har sada hum ko
na jaane kitni zabanon se hum bayan honge

Ibrahim Ashk

---

---

duniya bahut qarib se uTh kar chali gai
baiTha main apne ghar mein akela hi rah gaya

Ibrahim Ashk

---

---

karen salam use to koi jawab na de
ilahi itna bhi us shaKHs ko hijab na de

Ibrahim Ashk

---

---

KHud apne aap se lena tha intiqam mujhe
main apne hath ke patthar se sangsar hua

Ibrahim Ashk

---

---

kis liye katra ke jata hai musafir dam to le
aaj sukha peD hun kal tera saya main hi tha

Ibrahim Ashk

---

---

koi bharosa nahin abr ke barasne ka
baDhegi pyas ki shiddat na aasman dekho

Ibrahim Ashk

---

---

koi to hoga jis ko mera intizar hai
kahta hai dil ke shahr-e-tamanna mein le ke chal

Ibrahim Ashk

---

---