thi hausle ki baat zamane mein zindagi
qadmon ka fasla bhi yahan ek jast tha

Ibrahim Ashk

---

---

na dil mein koi gham rahe na meri aankh nam rahe
har ek dard ko miTa sharab la sharab de

Ibrahim Ashk

---

---

nam ko bhi na kisi aankh se aansu nikla
shama mahfil mein jalati rahi parwane ko

Ibrahim Ashk

---

---

nahin hai tum mein saliqa jo ghar banane ka
to 'ashk' jao parindon ke aashiyan dekho

Ibrahim Ashk

---

---

patthar mein bhi aag hai chheDo to jal jae
jo is aag mein tap gaya wo hira kahlae

Ibrahim Ashk

---

---

pyasi dharti dekh ke baadal uD uD jae
ye duniya ki rit hai tarse ko tarsae

Ibrahim Ashk

---

---

ye aur baat hai ki barhana thi zindagi
maujud phir bhi mere badan par libas tha

Ibrahim Ashk

---

---

zindagi wadi o sahra ka safar hai kyun hai
itni viran meri rah-guzar hai kyun hai

Ibrahim Ashk

---

---

zindagi apni musalsal chahaton ka ek safar
is safar mein bar-ha mil kar bichhaD jata hai wo

Ibrahim Ashk

---

---