teri talash hai ya tujh se ijtinab hai ye
ki rose ek nae raste pe chalte hain

Hafeez Hoshiarpuri

---

---

mohabbat karne wale kam na honge
teri mahfil mein lekin hum na honge

those that love you will not shrink
But I will be gone I think

Hafeez Hoshiarpuri

---

---

nazar se hadd-e-nazar tak tamam tariki
ye ehtimam hai ek wada-e-sahar ke liye

Hafeez Hoshiarpuri

---

---

tamam umr kiya hum ne intizar-e-bahaar
bahaar aai to sharminda hain bahaar se hum

Hafeez Hoshiarpuri

---

---

tamam umr tera intizar hum ne kiya
is intizar mein kis kis se pyar hum ne kiya

Hafeez Hoshiarpuri

---

---

tere jate hi ye aalam hai jaise
tujhe dekhe zamana ho gaya hai

Hafeez Hoshiarpuri

---

---

ye dilkashi kahan meri sham-o-sahar mein thi
duniya teri nazar ki badaulat nazar mein hai

Hafeez Hoshiarpuri

---

---

zamane bhar ke gham ya ek tera gham
ye gham hoga to kitne gham na honge

your sorrow or a world of pain
if this be there none will remain

Hafeez Hoshiarpuri

---

---

ye tamiz-e-ishq-o-hawas nahin hai haqiqaton se gurez hai
jinhen ishq se sarokar hai wo zarur ahl-e-hawas bhi hain

Hafeez Hoshiarpuri

---

---