nazar se hadd-e-nazar tak tamam tariki
ye ehtimam hai ek wada-e-sahar ke liye
Hafeez Hoshiarpuri
mohabbat karne wale kam na honge
teri mahfil mein lekin hum na honge
those that love you will not shrink
But I will be gone I think
Hafeez Hoshiarpuri
ab yahi mere mashaghil rah gae
sochna aur jaanib-e-dar dekhna
Hafeez Hoshiarpuri
jab kabhi hum ne kiya ishq pasheman hue
zindagi hai to abhi aur pasheman honge
Hafeez Hoshiarpuri
hum ko manzil ne bhi gumrah kiya
raste nikle kai manzil se
Hafeez Hoshiarpuri
gham-e-zindagani ke sab silsile
bil-aKHir gham-e-ishq se ja mile
Hafeez Hoshiarpuri
gham-e-zamana teri zulmaten hi kya kam thin
ki baDh chale hain ab in gesuon ke bhi sae
Hafeez Hoshiarpuri
duniya mein hain kaam bahut
mujh ko itna yaad na aa
Hafeez Hoshiarpuri
dosti aam hai lekin ai dost
dost milta hai baDi mushkil se
friendship is commonplace my dear
but friends are hard to find I fea
Hafeez Hoshiarpuri