aasman kahte hain jis ko wo zamin-e-sher hai
mah-e-nau misra hai wasf-e-abru-e-KHamdar mein

Goya Faqir Mohammad

---

---

ai junun hath jo wo zulf na aai hoti
aah ne arsh ki zanjir hilai hoti

Goya Faqir Mohammad

---

---

apne siwa nahin hai koi apna aashna
dariya ki tarah aap hain apne kanar mein

Goya Faqir Mohammad

---

---

ijli chamki to abr roya
yaad aa gai kya hansi kisi ki

Goya Faqir Mohammad

---

---

dar pe nalan jo hun to kahta hai
puchho kya chiz bechta hai ye

Goya Faqir Mohammad

---

---

dimagh aur hi pati hain in hasinon mein
ye mah wo hain nazar aaen jo mahinon mein

Goya Faqir Mohammad

---

---

gar hamare qatl ke mazmun ka wo nama likhe
baiza-e-faulad se niklen kabutar saikDon

Goya Faqir Mohammad

---

---

gaya hai kucha-e-kakul mein ab dil
musalman warid-e-hindostan hai

Goya Faqir Mohammad

---

---

har gam pe hi sae se ek misra-e-mauzun
gar chand qadam chaliye to kya KHub ghazal ho

Goya Faqir Mohammad

---

---