naseha aashiqi mein rakh mazur
kya karun aalam-e-jawani hai

Goya Faqir Mohammad

---

---

na mar ke bhi teri surat ko dekhne dunga
paDunga ghair ki aankhon mein wo ghubar hun main

Goya Faqir Mohammad

---

---

na hoga koi mujh sa mahw-e-tasawwur
jise dekhta hun samajhta hun tu hai

Goya Faqir Mohammad

---

---

aasman kahte hain jis ko wo zamin-e-sher hai
mah-e-nau misra hai wasf-e-abru-e-KHamdar mein

Goya Faqir Mohammad

---

---

KHun mera kar ke lagana na hina mere baad
dast rangin na hon angusht-numa mere baad

Goya Faqir Mohammad

---

---

jama-e-surKH tera dekh ke gul
pairahan apna qaba karte hain

Goya Faqir Mohammad

---

---

itr miTTi ka lagaya chahiye poshak mein
KHak se raghbat rahe milna hai ek din KHak mein

Goya Faqir Mohammad

---

---

har gam pe hi sae se ek misra-e-mauzun
gar chand qadam chaliye to kya KHub ghazal ho

Goya Faqir Mohammad

---

---

gaya hai kucha-e-kakul mein ab dil
musalman warid-e-hindostan hai

Goya Faqir Mohammad

---

---