na lagti aankh to sone mein kya burai thi
KHabar kuchh aap ki hoti to be-KHabar hota

Ghulam Maula Qalaq

---

---

shahr un ke waste hai jo rahte hain tujh se dur
ghar un ka phir kahan jo tere dil mein ghar karen

Ghulam Maula Qalaq

---

---

ahm kar maston pe kab tak taq par rakkhega tu
saghar-e-mai saqiya zahid ka iman ho gaya

Ghulam Maula Qalaq

---

---

pahle rakh le tu apne dil par hath
phir mere KHat ko paDh likha kya hai

Ghulam Maula Qalaq

---

---

paDa hai dair-o-kaba mein ye kaisa ghul KHuda jaane
ki wo parda-nashin bahar na aa jaane na ja jaane

Ghulam Maula Qalaq

---

---

nala karta hun log sunte hain
aap se mera kuchh kalam nahin

Ghulam Maula Qalaq

---

---

na ye hai na wo hai na main hun na tu hai
hazaron tasawwur aur ek aarzu hai

Ghulam Maula Qalaq

---

---

mohabbat wo hai jis mein kuchh kisi se ho nahin sakta
jo ho sakta hai wo bhi aadmi se ho nahin sakta

Ghulam Maula Qalaq

---

---

kyunkar na aastin mein chhupa kar paDhen namaz
haq to hai ye aziz hain but hi KHuda ke baad

Ghulam Maula Qalaq

---

---