aankhon ke KHwab dil ki jawani bhi le gaya
wo apne sath meri kahani bhi le gaya
Faza Ibn e Faizi
ab munasib nahin ham-asr ghazal ko yaro
kisi bajti hui pazeb ka ghunghru likhna
Faza Ibn e Faizi
achchha hua main waqt ke mehwar se kaT gaya
qatra guhar bana jo samundar se kaT gaya
Faza Ibn e Faizi
ai 'faza' itni kushada kab thi mani ki jihat
mere lafzon se ufuq ek dusra raushan hua
Faza Ibn e Faizi
dekhna hain khelne walon ki chabuk-dastiyan
tash ka patta sahi mera hunar tera huna
Faza Ibn e Faizi
ek din gharq na kar de tujhe ye sail-e-wajud
dekh ho jae na pani kahin sar se uncha
Faza Ibn e Faizi
ghazal ke parde mein be-parda KHwahishen likhna
na aaya hum ko barahana guzarishen likhna
Faza Ibn e Faizi
hum hasin ghazlon se peT bhar nahin sakte
daulat-e-suKHan le kar be-faragh hain yaro
Faza Ibn e Faizi
har ek qayas haqiqat se dur-tar nikla
kitab ka na koi dars mo'tabar nikla
Faza Ibn e Faizi