KHak-e-'shibli' se KHamir apna bhi uTTha hai 'faza'
nam urdu ka hua hai isi ghar se uncha

Faza Ibn e Faizi

---

---

kahan wo log jo the har taraf se nastaliq
purani baat hui chust bandishen likhna

Faza Ibn e Faizi

---

---

jala hai shahr to kya kuchh na kuchh to hai mahfuz
kahin ghubar kahin raushni salamat hai

Faza Ibn e Faizi

---

---

har ek qayas haqiqat se dur-tar nikla
kitab ka na koi dars mo'tabar nikla

Faza Ibn e Faizi

---

---

hum hasin ghazlon se peT bhar nahin sakte
daulat-e-suKHan le kar be-faragh hain yaro

Faza Ibn e Faizi

---

---

ghazal ke parde mein be-parda KHwahishen likhna
na aaya hum ko barahana guzarishen likhna

Faza Ibn e Faizi

---

---

ek din gharq na kar de tujhe ye sail-e-wajud
dekh ho jae na pani kahin sar se uncha

Faza Ibn e Faizi

---

---

dekhna hain khelne walon ki chabuk-dastiyan
tash ka patta sahi mera hunar tera huna

Faza Ibn e Faizi

---

---

ai 'faza' itni kushada kab thi mani ki jihat
mere lafzon se ufuq ek dusra raushan hua

Faza Ibn e Faizi

---

---