nazar-nawaz nazara badal na jae kahin
zara si baat hai munh se nikal na jae kahin

Dushyant Kumar

---

---

zindagi jab azab hoti hai
aashiqi kaamyab hoti hai

Dushyant Kumar

---

---

ye soch kar ki daraKHton mein chhanw hoti hai
yahan babul ke sae mein aa ke baiTh gae

Dushyant Kumar

---

---

ye sara jism jhuk kar bojh se dohra hua hoga
main sajde mein nahin tha aap ko dhoka hua hoga

Dushyant Kumar

---

---

ye log homo-hawan mein yaqin rakhte hain
chalo yahan se chalen hath jal na jae kahin

Dushyant Kumar

---

---

yahan tak aate aate sukh jati hai kai nadiyan
mujhe malum hai pani kahan Thahra hua hoga

Dushyant Kumar

---

---

wo aadmi nahin hai mukammal bayan hai
mathe pe us ke choT ka gahra nishan hai

Dushyant Kumar

---

---

tumhaare paon ke niche koi zamin nahin
kamal ye hai ki phir bhi tumhein yaqin nahin

Dushyant Kumar

---

---

tera nizam hai sil de zaban-e-shaer ko
ye ehtiyat zaruri hai is bahar ke liye

Dushyant Kumar

---

---