sirf hangama khaDa karna mera maqsad nahin
meri koshish hai ki ye surat badalni chahiye

Dushyant Kumar

---

---

ab to is talab ka pani badal do
ye kanwal ke phul kumhlane lage hain

Dushyant Kumar

---

---

na ho qamiz to panw se peT Dhak lenge
ye log kitne munasib hain is safar ke liye

Dushyant Kumar

---

---

main jise oDhta bichhata hun
wo ghazal aap ko sunata hun

Dushyant Kumar

---

---

lahu-luhan nazaron ka zikr aaya to
sharif log uThe dur ja ke baiTh gae

Dushyant Kumar

---

---

kaise aakash mein suraKH nahin ho sakta
ek patthar to tabiat se uchhaalo yaro

Dushyant Kumar

---

---

kahan to tai tha charaghan har ek ghar ke liye
kahan charagh mayassar nahin shahar ke liye

Dushyant Kumar

---

---

ho gai hai pir parwat si pighalni chahiye
is himale se koi ganga nikalni chahiye

Dushyant Kumar

---

---

ek qabristan mein ghar mil raha hai
jis mein tah-KHanon se tah-KHane lage hain

Dushyant Kumar

---

---