ahl-e-zar ne dekh kar kam-zarfi-e-ahl-e-qalam
hirs-e-zar ke har taraazu mein suKHan-war rakh diye

Bakhsh Layalpuri

---

---

dard-e-hijrat ke satae hue logon ko kahin
saya-e-dar bhi nazar aae to ghar lagta hai

Bakhsh Layalpuri

---

---

ghar bhi virana lage taza hawaon ke baghair
baad-e-KHush-rang chale dasht bhi ghar lagta hai

Bakhsh Layalpuri

---

---

hamare KHwab chori ho gae hain
hamein raaton ko nind aati nahin hai

Bakhsh Layalpuri

---

---

husul-e-manzil-e-jaan ka hunar nahin aaya
wo raushni thi ki kuchh bhi nazar nahin aaya

Bakhsh Layalpuri

---

---

kabhi aankhon pe kabhi sar pe biThae rakhna
zindagi talKH sahi dil se lagae rakhna

Bakhsh Layalpuri

---

---

koi shai dil ko bahlati nahin hai
pareshani ki rut jati nahin hai

Bakhsh Layalpuri

---

---

wahi patthar laga hai mere sar par
azal se jis ko sajde kar raha hun

Bakhsh Layalpuri

---

---