we baalon mein color lagwa chuka hai
ye dhoka panch sau mein kha chuka hai

Aziz Faisal

---

---

main ek bori mein laya hun bhar ke mung-phali
kisi ke sath december ki raat kaTni hai

Aziz Faisal

---

---

moarriKH likh na den suqraat mujh ko
main lassi ka piyala pi raha hun

Aziz Faisal

---

---

na ye qanun kaam aaya tha ranjhe ke zara sa bhi
usi ko bhains milti hai ho jis ke hath mein laThi

Aziz Faisal

---

---

thaka haara nikal kar ghar se apne
wo pir office mein sone ja chuka hai

Aziz Faisal

---

---

wo saDi jewellery ke tahaif pe thi ba-zid
hum sau rupe ki shaal se aage nahin gae

Aziz Faisal

---

---

ye diya massage tweeter par fasadi shaKHs ne
us ko jalti ke liye fil-faur oil chahiye

Aziz Faisal

---

---

wo tis sal se hai faqat bis sal ki
chehre pe aa chuki hai buzurgi jamal ki

Aziz Faisal

---

---

kude hain us ke sehn mein do-chaar sher-dil
hum facebook ki wall se aage nahin gae

Aziz Faisal

---

---