tere falak hi se TuTne wali raushni ke hain aks sare
kahin kahin jo chamak rahe hain huruf meri ibaraton mein

Atiiqullah

---

---

kuchh badan ki zaban kahti thi
aansuon ki zaban mein tha kuchh

Atiiqullah

---

---

lams ki shiddaten mahfuz kahan rahti hain
jab wo aata hai kai fasle kar jata hai

Atiiqullah

---

---

mujh mein KHud meri adam-maujudgi shamil rahi
warna is mahaul mein jina baDa dushwar tha

Atiiqullah

---

---

pani tha magar apne hi dariya se juda tha
chaDhte hue dekha na utarte hue dekha

Atiiqullah

---

---

ail ki paTri ne us ke TukDe TukDe kar diye
aap apni zat se us ko bahut inkar tha

Atiiqullah

---

---

safar-girafta rahe kushtagan-e-nan-o-namak
hamare haq mein koi faisla na karta tha

Atiiqullah

---

---

ye rah-e-talab yaro gumrah bhi karti hai
saman usi ka tha jo be-sar-o-saman tha

Atiiqullah

---

---

ye dekha jae wo kitne qarib aata hai
phir is ke baad hi inkar kar ke dekha jae

Atiiqullah

---

---