kahan pahunch ke haden sab tamam hoti hain
is aasman se niche utar ke dekha jae

Atiiqullah

---

---

is gali se us gali tak dauDta rahta hun main
raat utni hi mayassar hai safar utna hi hai

Atiiqullah

---

---

har manzar ke andar bhi ek manzar hai
dekhne wala bhi to ho tayyar mujhe

Atiiqullah

---

---

hum zamin ki taraf jab aae the
aasmanon mein rah gaya tha kuchh

Atiiqullah

---

---

faza mein hath to uTThe the ek sath kai
kisi ke waste koi dua na karta tha

Atiiqullah

---

---

din ke hangame jila dete hain mujh ko warna
subh se pahle kai martaba mar jaata hun

Atiiqullah

---

---

aDi chiz hai ye supurdagi ka mahin pal
na samajh sako to mujhe ganwa ke bhi dekhna

Atiiqullah

---

---

apne sukhe hue gul-dan ka gham hai mujh ko
aankh mein ashk ka qatra bhi nahin hai koi

Atiiqullah

---

---

abhi to kanTon-bhari jhaDiyon mein aTka hai
kabhi dikhai diya tha hara-bhara wo bhi

Atiiqullah

---

---