tujh se bichhaD ke hum to yahi sochte rahe
ye gardish-e-hayat na aaegi ras kya

Athar Nadir

---

---

koi nahin hai aisa ki apna kahen jise
kaisa tilism TuTa hai apne guman ka

Athar Nadir

---

---

log kya sada hain ummid-e-wafa rakhte hain
jaise malum nahin un ko haqiqat teri

Athar Nadir

---

---

log qismat pe chhoD dete hain
baat banti nahin hai jab kuchh bhi

Athar Nadir

---

---

aat aangan mein chand utra tha
tum mile the ki KHwab dekha tha

Athar Nadir

---

---

sukun-e-qalb to kiya hai qarar-e-jaan bhi luTa
tumhaari yaad bhi aai to rahzan ki tarah

Athar Nadir

---

---

wo ishq jis ki zamane ko bhi KHabar na rahi
tere bichhaDne se ruswa nagar nagar mein raha

Athar Nadir

---

---

ye inqilab-e-zamana nahin to phir kya hai
amir-e-shahr jo kal tha wo hai faqiron mein

Athar Nadir

---

---

ye apna apna muqaddar hai is ko kya kahiye
tujhe sarab to dariya bana diya hai mujhe

Athar Nadir

---

---