log kya sada hain ummid-e-wafa rakhte hain
jaise malum nahin un ko haqiqat teri

Athar Nadir

---

---

koi nahin hai aisa ki apna kahen jise
kaisa tilism TuTa hai apne guman ka

Athar Nadir

---

---

aadmi ka amal se rishta hai
kaam aata nahin nasab kuchh bhi

Athar Nadir

---

---

kis darja mere shahr ki dilkash hai faza bhi
manus har ek chiz hai miTTi bhi hawa bhi

Athar Nadir

---

---

kaTa na koh-e-alam hum se kohkan ki tarah
badal saka na zamana tere chalan ki tarah

Athar Nadir

---

---

jo dekhta hun zamane ki na-shanasi ko
ye sochta hun ki achchha tha be-hunar rahta

Athar Nadir

---

---

jo dekhiye to zamana hai tez-rau kitna
tulu-e-subh abhi hai to waqt-e-sham abhi

Athar Nadir

---

---

jab bhi milta hai muskuraata hai
KHwah us ka ho ab sabab kuchh bhi

Athar Nadir

---

---

ho gai sham Dhal gaya suraj
din ko shab mein badal gaya suraj

Athar Nadir

---

---