'atiq' bujhta bhi kaise charagh-e-dil mera
lagi thi us ki hifazat mein sari raat hawa

Ateeq Allahabadi

---

---

dew pari ke qisse sun kar
bhuke bachche so lete hain

Ateeq Allahabadi

---

---

ghar hamara phunk kar kal ek paDosi ai 'atiq'
do ghaDi to hans liya phir baad mein roya bahut

Ateeq Allahabadi

---

---

honTon par ek bar saja kar apne honT
us ke baad na baaten karna so jaana

Ateeq Allahabadi

---

---

main ne puchha ye bata mujh se bichhaDne ka tujhe
kuchh qalaq hota hai kya us ne kaha thoDa bahut

Ateeq Allahabadi

---

---

nawazta tha hamesha wo gham ki daulat se
aur is KHazane se main mala mal ho hi gaya

Ateeq Allahabadi

---

---