hum to bichhaD ke ro lete hain
dagh-e-judai dho lete hain
gham ko nahaq ruswa karne
mai-KHane ko ho lete hain
ho jate hain KHud wo muqaddas
nam bhi un ka jo lete hain
jis ne bhi kin pyar se baaten
sath us ke ho lete hain
kyun chahen aKHlaq ki faslen
wo jo nafrat bo lete hain
dew pari ke qisse sun kar
bhuke bachche so lete hain
Ghazal
Hum to bichhaD ke ro lete hain
Ateeq Allahabadi