jo sae bichhate hain phal phul luTate hain
ab aise daraKHton ko insan kaha jae

Asghar Mehdi Hosh

---

---

zikr-e-aslaf se behtar hai ki KHamosh rahen
kal nai nasl mein hum log bhi buDhe honge

Asghar Mehdi Hosh

---

---

TuT kar ruh mein shishon ki tarah chubhte hain
phir bhi har aadmi KHwabon ka tamannai hai

Asghar Mehdi Hosh

---

---

saghar nahin ki jhum ke uTThe uTha liya
ye zindagi ka bojh hai mil kar uThaiye

Asghar Mehdi Hosh

---

---

miTTi mein kitne phul paDe sukhte rahe
rangin pattharon se bahalta raha hun main

Asghar Mehdi Hosh

---

---

mere hi panw mere sab se baDe dushman hain
jab bhi uThte hain usi dar ki taraf jate hain

Asghar Mehdi Hosh

---

---

kya sitam karte hain miTTi ke khilaune wale
ram ko rakkhe hue baiThe hain rawan ke qari

Asghar Mehdi Hosh

---

---

KHuda badal na saka aadmi ko aaj bhi 'hosh'
aur ab tak aadmi ne saikDon KHuda badle

Asghar Mehdi Hosh

---

---

kho gai ja ke nazar yun ruKH-e-raushan ke qarib
jaise kho jati hai bewa koi dulhan ke qari

Asghar Mehdi Hosh

---

---