aadmi pahle bhi nanga tha magar jism talak
aaj to ruh ko bhi hum ne barahna paya

Asghar Mehdi Hosh

---

---

jo hadisa ki mere liye dardnak tha
wo dusron se sun ke fasana laga mujhe

Asghar Mehdi Hosh

---

---

jaane kis kis ka gala kaTta pas-e-parda-e-ishq
khul gae meri shahadat mein sitamgar kitne

Asghar Mehdi Hosh

---

---

hum bhi karte rahen taqaza roz
tum bhi kahte raho ki aaj nahin

Asghar Mehdi Hosh

---

---

gir bhi jati nahin kam-baKHt ki fursat ho jae
kaundti rahti hai bijli mere KHirman ke qari

Asghar Mehdi Hosh

---

---

Dubne wale ko sahil se sadaen mat do
wo to Dubega magar Dubna mushkil hoga

Asghar Mehdi Hosh

---

---

diwar un ke ghar ki meri dhup le gai
ye baat bhulne mein zamana laga mujhe

Asghar Mehdi Hosh

---

---

achche khuli faza mein kahan tak nikal gae
hum log ab bhi qaid isi baam-o-dar mein hain

Asghar Mehdi Hosh

---

---

aane wale daur mein jo paega paighambari
mera chehra mera dil meri zaban le jaega

Asghar Mehdi Hosh

---

---