'arif'-husain dhoka sahi apni zindagi
is zindagi ke baad ki haalat bhi hai fare

Arif Shafiq

---

---

andhe adam wajud ke girdab se nikal
ye zindagi bhi KHwab hai tu KHwab se nikal

Arif Shafiq

---

---

apne darwaze pe KHud hi dastaken deta hai wo
ajnabi lahje mein phir wo puchhta hai kaun hai

Arif Shafiq

---

---

gharib-e-shahr to faqe se mar gaya 'arif'
amir-e-shahr ne hire se KHud-kushi kar li

Arif Shafiq

---

---

jo mere ganw ke kheton mein bhuk ugne lagi
mere kisanon ne shahron mein naukri kar li

Arif Shafiq

---

---

kaisa matam kaisa rona miTTi ka
TuT gaya hai ek khilauna miTTi ka

Arif Shafiq

---

---

mujh ko waisa KHuda mila bilkul
main ne 'arif' kiya guman jaisa

Arif Shafiq

---

---

tujhe main zindagi apni samajh raha tha magar
tere baghair basar main ne zindagi kar li

Arif Shafiq

---

---