aandhiyan sab kuchh uDa kar le gain
peD par patta na phal daman mein tha

Aqeel Shadab

---

---

arae-nam sahi koi mehrban to hai
hamare sar pe bhi hone ko aasman to hai

Aqeel Shadab

---

---

chadar maili ho gai ab kaise lauTaun
apne piya ke samne jate hue sharmaun

Aqeel Shadab

---

---

guman hi asasa tha yaqin ka
yaqin hi guman mein nahin raha

Aqeel Shadab

---

---

hai lafz-o-mani ka rishta zawal-amada
KHayal paida hua bhi na tha ki mar bhi gaya

Aqeel Shadab

---

---

har ek lamha saron pe hai saneha aisa
har ek sans guzarti hai hadsat aisi

Aqeel Shadab

---

---

hawas ka rang chaDha us pe aur utar bhi gaya
wo KHud hi jama hua aur KHud bikhar bhi gaya

Aqeel Shadab

---

---

hua jo sahl us ke ghar ka rasta
maza hi kuchh takan mein nahin raha

Aqeel Shadab

---

---

ek kanTe se dusra main ne liya nikal
phulon ka is des mein kaisa paDa akal

Aqeel Shadab

---

---