meri tamir behtar shakl mein hone ko hai 'anjum'
ki jangal saf hone se nagar aabaad hote hain

Anjum Khaleeq

---

---

so meri pyas ka donon taraf ilaj nahin
udhar hai ek samundar idhar hai ek sara

Anjum Khaleeq

---

---

sitam to ye hai ki fauj-e-sitam mein bhi 'anjum'
bas apne log hi dekhun jidhar nigah karun

Anjum Khaleeq

---

---

saron se taj baDe jism se abaen baDi
zamane hum ne tera intiKHab dekh liya

Anjum Khaleeq

---

---

naKHl-e-ana mein zor-e-numu kis ghazab ka tha
ye peD to KHizan mein bhi shadab rah gaya

Anjum Khaleeq

---

---

meri hawas ke muqabil ye shahr chhoTe hain
KHala mein ja ke nai bastiyan talash karun

Anjum Khaleeq

---

---

main ab to shahr mein is baat se pahchana jata hun
tumhaara zikr karna aur karte hi chale jaana

Anjum Khaleeq

---

---

mere junun ko hawas mein shumar kar lega
wo mere tir se mujh ko shikar kar lega

Anjum Khaleeq

---

---

tahayyur hai bala ka ye pareshani nahin jati
ki tan dhakne pe bhi jismon ki uryani nahin jati

Anjum Khaleeq

---

---