aas kya ab to umid-e-na-ummidi bhi nahin
kaun de mujh ko tasalli kaun bahlae mujhe

Amirullah Tasleem

---

---

ahd ke baad liye bose dahan ke itne
ki lab-e-zud-pashiman ko mukarne na diya

Amirullah Tasleem

---

---

as ki thi rone ki aadat wasl mein bhi yar se
kah ke apna aap haal-e-arzu rone laga

Amirullah Tasleem

---

---

dastan-e-shauq-e-dil aisi nahin thi muKHtasar
ji laga kar tum agar sunte main kahta aur bhi

Amirullah Tasleem

---

---

dil dhaDakta hai shab-e-gham mein kahin aisa na ho
marg bhi ban kar mizaj-e-yar tarsae mujhe

Amirullah Tasleem

---

---

dil-lagi mein hasrat-e-dil kuchh nikal jati to hai
bose le lete hain hum do-chaar hanste bolte

Amirullah Tasleem

---

---

dimagh de jo KHuda gulshan-e-mohabbat mein
har ek gul se tere pairahan ki bu aae

Amirullah Tasleem

---

---

fikr hai shauq-e-kamar ishq-e-dahan paida karun
chahta hun ek dil mein do makan paida karun

Amirullah Tasleem

---

---

gar yahi hai pas-e-adab-e-sukut
kis tarah fariyaad lab tak aaegi

Amirullah Tasleem

---

---