aablon ka shikwa kya Thokaron ka gham kaisa
aadmi mohabbat mein sab ko bhul jata hai
Amir Usmani
aql thak kar lauT aai jada-e-alam se
ab junun aaghaz farmaega is anjam se
Amir Usmani
aqi hi kya raha hai tujhe mangne ke baad
bas ek dua mein chhuT gae har dua se hum
Amir Usmani
hamein aaKHirat mein 'amir' wahi umr kaam aai
jise kah rahi thi duniya gham-e-ishq mein ganwa di
Amir Usmani
ishq ke marahil mein wo bhi waqt aata hai
aafaten barasti hain dil sukun pata hai
Amir Usmani
ishq sar-ta-ba-qadam aatish-e-sozan hai magar
us mein shola na sharara na dhuan hota hai
Amir Usmani
kitni pamal umangon ka hai madfan mat puchh
wo tabassum jo haqiqat mein fughan hota hai
Amir Usmani
meri zindagi ka hasil tere gham ki pasdari
tere gham ki aabru hai mujhe har KHushi se pyari
Amir Usmani
sabaq mila hai ye apnon ka tajraba kar ke
wo log phir bhi ghanimat hain jo parae hain
Amir Usmani