abhi aae abhi jate ho jaldi kya hai dam le lo
na chhoDunga main jaisi chahe tum mujh se qasam le lo
Ameer Minai
aae but-KHane se kabe ko to kya bhar paya
ja paDe the to wahin hum ko paDa rahna tha
Ameer Minai
achchhe isa ho marizon ka KHayal achchha hai
hum mare jate hain tum kahte ho haal achchha hai
Ameer Minai
allah-re sadgi nahin itni unhen KHabar
mayyat pe aa ke puchhte hain in ko kya hua
Ameer Minai
allah-ri nazakat-e-jaanan ki sher mein
mazmun bandha kamar ka to dard-e-kamar hua
Ameer Minai
'amir' ab hichkiyan aane lagi hain
kahin main yaad farmaya gaya hun
Ameer Minai
apni mahfil se abas hum ko uThate hain huzur
chupke baiThe hain alag aap ka kya lete hain
Ameer Minai
aad marne ke bhi chhoDi na rifaqat meri
meri turbat se lagi baiThi hai hasrat meri
even after death my love did not forsake
at my grave my desires kept a steady wake
Ameer Minai
aghban kaliyan hon halke rang ki
bhejni hain ek kam-sin ke liye
Ameer Minai