aandhiyon ka kaam chalna hai gharaz is se nahin
peD par patta rahega ya juda ho jaega

Ali Ahmad Jalili

---

---

an rahe hain sath-e-dil par daere
tum ne to patthar koi phenka nahin

Ali Ahmad Jalili

---

---

dur tak dil mein dikhai nahin deta koi
aise virane mein ab kis ko sada di jae

Ali Ahmad Jalili

---

---

ek tahrir jo us ke hathon ki thi
baat wo mujh se karti rahi raat bha

Ali Ahmad Jalili

---

---

gham se mansub karun dard ka rishta de dun
zindagi aa tujhe jine ka saliqa de dun

Ali Ahmad Jalili

---

---

hum ne dekha hai zamane ka badalna lekin
un ke badle hue tewar nahin dekhe jate

Ali Ahmad Jalili

---

---

kaTi hai gham ki raat baDe ehtiram se
aksar bujha diya hai charaghon ko sham se

Ali Ahmad Jalili

---

---

kinaron se mujhe ai naKHudao dur hi rakkho
wahan le kar chalo tufan jahan se uThne wala hai

Ali Ahmad Jalili

---

---

kya isi waste sincha tha lahu se apne
jab sanwar jae chaman aag laga di jae

Ali Ahmad Jalili

---

---