purane waqton ke kuchh log ab bhi kahte hain
baDa wahi hai jo dushman ko bhi muaf kare

Akhtar Shahjahanpuri

---

---

zara yaadon ke hi patthar uchhaalo
nawah-e-jaan mein sannaTe bahut hain

Akhtar Shahjahanpuri

---

---

ye munsifan-e-shahr hain ye pasban-e-shahr
in ko batao nam jo balwaiyon ke hain

Akhtar Shahjahanpuri

---

---

ye moajiza hamare hi tarz-e-bayan ka tha
us ne wo sun liya tha jo hum ne kaha na tha

Akhtar Shahjahanpuri

---

---

ye bhi kya baat ki main teri ana ki KHatir
teri qamat se ziyaada tera saya chahun

Akhtar Shahjahanpuri

---

---

wo jugnu ho sitara ho ki aansu
andhere mein sabhi mahtab se hain

Akhtar Shahjahanpuri

---

---

wo ek lamha jo tere wasl ka tha
bayaz-e-hijr par likkha hua hai

Akhtar Shahjahanpuri

---

---

tumhaare KHat kabhi paDhna kabhi tartib se rakhna
ajab mashghuliyat rahti hai bekari ke mausam mein

Akhtar Shahjahanpuri

---

---

anj-o-gham Thokaren mayusi ghuTan be-zari
mere KHwabon ki ye tabir bhi ho sakti hai

Akhtar Shahjahanpuri

---

---