anj-o-gham sahne ki aadat ho gai hai
zinda rahne ke saliqe de gaya wo

Akhtar Shahjahanpuri

---

---

apnon se jang hai to bhale haar jaun main
lekin main apne sath sipahi na launga

Akhtar Shahjahanpuri

---

---

main jhuT ko sachchai ke paikar mein sajata
kya kijiye mujh ko ye hunar hi nahin aaya

Akhtar Shahjahanpuri

---

---

log ye soch ke hi pareshan hain
main zamin tha to kyun aasman ho gaya

Akhtar Shahjahanpuri

---

---

laj rakhni paD gai hai doston ki
hum bhari mahfil mein jhuTe ho gae hain

Akhtar Shahjahanpuri

---

---

koi manzar nahin barsat ke mausam mein bhi
us ki zulfon se phisalti hui dhupon jaisa

Akhtar Shahjahanpuri

---

---

jugnu tha kahkashan tha sitara tha ya guhar
aansu kisi ki aankh se jab tak gira na tha

Akhtar Shahjahanpuri

---

---

jam-e-sharab ab to mere samne na rakh
aankhon mein nur hath mein jumbish kahan hai a

Akhtar Shahjahanpuri

---

---

dilon mein karb baDhta ja raha hai
magar chehre abhi shadab se hain

Akhtar Shahjahanpuri

---

---