ajib us se talluq hai kya kaha jae
kuchh aisi sulh nahin hai kuchh aisi jang nahin

Akbar Ali Khan Arshi Zadah

---

---

dhanak ki tarah nikharta hai shab ko KHwabon mein
wahi jo din ko meri chashm-e-tar mein rahta hai

Akbar Ali Khan Arshi Zadah

---

---

gham-e-ayyam pe yun KHush hain tere diwane
gham-e-ayyam bhi ek teri ada ho jaise

Akbar Ali Khan Arshi Zadah

---

---

harf-e-dushnam se yun us ne nawaza hum ko
ye malamat hi mohabbat ka sila ho jaise

Akbar Ali Khan Arshi Zadah

---

---

isi talash mein pahuncha hun ishq tak tere
ki is hawale se pa jaun main dawam apna

Akbar Ali Khan Arshi Zadah

---

---

jab aa rahi hain bahaaren liye payam-e-junun
ye pairahan ko mere hajat-e-rafu kya thi

Akbar Ali Khan Arshi Zadah

---

---

jo bar-e-dosh raha sar wo kab tha shorida
baha na jis se lahu wo rag-e-gulu kya thi

Akbar Ali Khan Arshi Zadah

---

---

kabhi KHushbu kabhi saya kabhi paikar ban kar
sabhi hijron mein visalon mein mere pas raho

Akbar Ali Khan Arshi Zadah

---

---

lao ek lamhe ko apne-ap mein Dub ke dekh aaun
KHud mujh mein hi mera KHuda ho ye bhi to ho sakta hai

Akbar Ali Khan Arshi Zadah

---

---