wo ek lamha mujhe kyun sata raha hai ki jo
nahin ke baad magar us ki han se pahle tha

Akbar Ali Khan Arshi Zadah

---

---

sar-e-KHar se sar-e-sang se jo hai mera jism lahu lahu
kabhi tu bhi to mere sang-e-mil kabhi rang mere safar ke dekh

Akbar Ali Khan Arshi Zadah

---

---

surahi-e-mai-e-nab-o-safina-ha-e-ghazal
ye harf-e-husn-e-muqaddar likha hai kis ke liye

Akbar Ali Khan Arshi Zadah

---

---

tumhein nahin ho agar aaj gosh-bar-awaz
ye meri fikr ye meri nawa hai kis ke liye

Akbar Ali Khan Arshi Zadah

---

---

wahi guman hai jo us mehrban se pahle tha
wahin se phir ye safar hai jahan se pahle tha

Akbar Ali Khan Arshi Zadah

---

---

wahi mayusi ka aalam wahi naumidi ka rang
zindagi bhi kisi muflis ki dua ho jaise

Akbar Ali Khan Arshi Zadah

---

---

ye ek sawal hai shikwa nahin gila bhi nahin
mere KHuda tera lutf-o-ata hai kis ke liye

Akbar Ali Khan Arshi Zadah

---

---

zabt-e-junun se andazon par dar to band nahin hote
tu mujh se baDh kar ruswa ho ye bhi to ho sakta hai

Akbar Ali Khan Arshi Zadah

---

---

ye paDi hain sadiyon se kis liye tere mere beach judaiyan
kabhi apne ghar tu mujhe bula kabhi raste mere ghar ke dekh

Akbar Ali Khan Arshi Zadah

---

---