ab to KHud apni zarurat bhi nahin hai hum ko
wo bhi din the ki kabhi teri zarurat hum the

Aitbar Sajid

---

---

ajab nasha hai tere qurb mein ki ji chahe
ye zindagi teri aaghosh mein guzar jae

Aitbar Sajid

---

---

arson baad hamein dekha to pahron us ne baat na ki
kuchh to gard-e-safar se bhanpa kuchh aankhon se jaan liya

Aitbar Sajid

---

---

hiD hai bar-sar-e-bazar kahin aur chalen
aa mere dil mere gham-KHwar kahin aur chalen

Aitbar Sajid

---

---

chhoTe chhoTe kai be-faiz mafadat ke sath
log zinda hain ajab surat-e-haalat ke sath

Aitbar Sajid

---

---

Diary mein sare achchhe sher chun kar likh liye
ek laDki ne mera diwan KHali kar diya

Aitbar Sajid

---

---

diye munDer pa rakh aate hain hum har sham na jaane kyun
shayad us ke lauT aane ka kuchh imkan abhi baqi hai

Aitbar Sajid

---

---

ghazal faza bhi DhunDti hai apne KHas rang ki
hamara masala faqat qalam dawat hi nahin

Aitbar Sajid

---

---

guftugu der se jari hai natije ke baghair
ek nai baat nikal aati hai har baat ke sath

Aitbar Sajid

---

---