ek dil hai ek hasrat ek hum hain ek tum
itne gham kam hain jo koi aur gham paida karen
Ahsan Marahravi
haalat dil-e-betab ki dekhi nahin jati
behtar hai ki ho jae ye paiwand zamin ka
Ahsan Marahravi
hai wo jab dil mein to kaisi justuju
DhunDne walon ki ghaflat dekhna
Ahsan Marahravi
hum apni be-qarari-e-dil se hain be-qarar
aamezish-e-sukun hai is iztirab mein
Ahsan Marahravi
hamara intiKHab achchha nahin ai dil to phir tu hi
KHayal-e-yar se behtar koi mehman paida ka
Ahsan Marahravi
ishq ruswa-kun-e-alam wo hai 'ahsan' jis se
nek-namon ki bhi bad-nami o ruswai hai
Ahsan Marahravi
jab mulaqat hui tum se to takrar hui
aise milne se to behtar hai juda ho jaana
Ahsan Marahravi
kar ke dafn apne parae chal diye
bekasi ka qabr par matam raha
Ahsan Marahravi
kisi ko bhej ke KHat hae ye kaisa azab aaya
ki har ek puchhta hai nama-bar aaya jawab aaya
Ahsan Marahravi