phir is ke baad patthar ho gaya aaankhon ka pani
jab apne gham mein rone se kiya inkar main ne

Ahmad Shanas

---

---

main iktishaf ki hijrat bahisht se laya
meri talash mein mera maqam likkha tha

Ahmad Shanas

---

---

main KHud apne aap se hun begana sa
basti ke insan bhi mere jaise hain

Ahmad Shanas

---

---

main ne bhi bachchon ko apni nisbat se aazad kiya
wo bhi apne hathon se insan banana bhul gaya

Ahmad Shanas

---

---

main us ki pahchan hun ya wo meri
kya samjhun aur wo samjhae kya kya

Ahmad Shanas

---

---

nau-jawanon ka qabila us ke pichhe chal paDa
jurm kar ke bhagne wala misali ho gaya

Ahmad Shanas

---

---

pas-e-KHayal hun kitna zuhur kitna hun
KHabar nahin ki abhi KHud se dur kitna hun

Ahmad Shanas

---

---

shab-o-roz naKHl-e-wajud ko naya ek barg-e-ana diya
hamein inhiraf ka hausla bhi diya to misl-e-dua diya

Ahmad Shanas

---

---

sat qulzum hain mere sine mein
ek qatre se ubhaara tha mujhe

Ahmad Shanas

---

---