nau-jawanon ka qabila us ke pichhe chal paDa
jurm kar ke bhagne wala misali ho gaya

Ahmad Shanas

---

---

main us ki pahchan hun ya wo meri
kya samjhun aur wo samjhae kya kya

Ahmad Shanas

---

---

main ne bhi bachchon ko apni nisbat se aazad kiya
wo bhi apne hathon se insan banana bhul gaya

Ahmad Shanas

---

---

main KHud apne aap se hun begana sa
basti ke insan bhi mere jaise hain

Ahmad Shanas

---

---

main iktishaf ki hijrat bahisht se laya
meri talash mein mera maqam likkha tha

Ahmad Shanas

---

---

allah wala ek qabila meri nisbat
aur main apne nam nasab se na-waqif hun

Ahmad Shanas

---

---

lafzon ki dastaras mein mukammal nahin hun main
likkhi hui kitab ke bahar bhi sun mujhe

Ahmad Shanas

---

---

lafz jab utra meri aankhen munawwar ho gain
lafz 'ahmad' zindagi se rabte ki Dor hai

Ahmad Shanas

---

---

KHud ko paya tha na khoya main ne
be-karan zat kinara tha mujhe

Ahmad Shanas

---

---