aahan o sang ko zahrab-e-fana chaT gaya
pahle diwar shikasta hui phir bab gira

Ahmad Azeem

---

---

ai sham-e-hijr-e-yar meri tu gawahi de
main tere sath sath raha ghar nahin gaya

Ahmad Azeem

---

---

azar-e-arzu mein kaTi ja rahi hai umr
hum ko KHarid le wo KHaridar chahiye

Ahmad Azeem

---

---

dhund mein kho ke rah gain suraten mehr-o-mah si
waqt ki gard ne unhen KHwab-o-KHayal kar diya

Ahmad Azeem

---

---

isi liye to haar ka hua nahin malal tak
wo mere sath sath tha uruj se zawal tak

Ahmad Azeem

---

---

kya DhunDne nikli hai kisi qais ko pagal
is darja jo ye baad-e-bayabani hui hai

Ahmad Azeem

---

---

saDak ke par chala ja raha hai bachta hua
kisi ka hath koi mehrban thame hue

Ahmad Azeem

---

---

sab mojazon ke bab mein ye mojaza bhi ho
jo log mar gae hain unhen KHak se uTha

Ahmad Azeem

---

---

tu ne bhi sare zaKHm kisi taur sah liye
main bhi bichhaD ke ji hi liya mar nahin gaya

Ahmad Azeem

---

---