abru na sanwara karo kaT jaegi ungli
nadan ho talwar se khela nahin karte

Agha Shayar Qazalbash

---

---

aDe sidhe-sadhe baDe bhole-bhaale
koi dekhe is waqt chehra tumhaara

Agha Shayar Qazalbash

---

---

hamin hain maujib-e-bab-e-fasahat hazrat-e-'shair'
zamana sikhta hai hum se hum wo dilli wale hain

Agha Shayar Qazalbash

---

---

ek baat kahen tum se KHafa to nahin hoge
pahlu mein hamare dil-e-muztar nahin milta

Agha Shayar Qazalbash

---

---

is liye kahte the dekha munh lagane ka maza
aaina ab aap ka madd-e-muqabil ho gaya

Agha Shayar Qazalbash

---

---

kaleje mein hazaron dagh dil mein hasraten lakhon
kamai le chala hun sath apne zindagi bhar ki

Agha Shayar Qazalbash

---

---

kis tarah jawani mein chalun rah pe naseh
ye umr hi aisi hai sujhai nahin deta

Agha Shayar Qazalbash

---

---

lo hum bataen ghuncha-o-gul mein hai farq kya
ek baat hai kahi hui ek be-kahi hui

Agha Shayar Qazalbash

---

---

milna na milna ye to muqaddar ki baat hai
tum KHush raho raho mere pyare jahan kahin

Agha Shayar Qazalbash

---

---