ichhaD ke tujh se na dekha gaya kisi ka milap
uDa diye hain parinde shajar pe baiThe hue

Adeem Hashmi

---

---

ikta to nahin hun na mere dam bahut hain
raste mein paDa hun ki uTha koi aa ka

Adeem Hashmi

---

---

fasle aise bhi honge ye kabhi socha na tha
samne baiTha tha mere aur wo mera na tha

Adeem Hashmi

---

---

hum bahar haal dil o jaan se tumhaare hote
tum bhi ik-adh ghaDi kash hamare hote

Adeem Hashmi

---

---

hua hai jo sada us ko nasibon ka likha samjha
'adim' apne kiye par mujh ko pachhtana nahin aata

Adeem Hashmi

---

---

ek khilauna TuT jaega naya mil jaega
main nahin to koi tujh ko dusra mil jaega

Adeem Hashmi

---

---

jo mah o sal guzare hain bichhaD kar hum ne
wo mah o sal agar sath guzare hote

Adeem Hashmi

---

---

kaTi hui hai zamin koh se samundar tak
mila hai ghao ye dariya ko rasta de ka

Adeem Hashmi

---

---

kyun parakhte ho sawalon se jawabon ko 'adim'
honT achchhe hon to samjho ki sawal achchha hai

Adeem Hashmi

---

---