mai-kade mein ishq ke kuchh sarsari jaana nahin
kasa-e-sar ko yahan gardish hai paimane ki tarah

Abdul Rahman Ehsan Dehlvi

---

---

namaz apni agarche kabhi qaza na hui
ada kisi ki jo dekhi to phir ada na hui

Abdul Rahman Ehsan Dehlvi

---

---

na paya gah qabu aah mein ne hath jab Dala
nikala bair mujh se jab tere pistan ka munh kala

Abdul Rahman Ehsan Dehlvi

---

---

mohtasib bhi pi ke mai loTe hai maiKHane mein aaj
hath la pir-e-mughan ye lauTne ki jae hai

Abdul Rahman Ehsan Dehlvi

---

---

meri baat-chit us se 'ehsan' kahan hai
na us ka dahan hai na meri zaban hai

Abdul Rahman Ehsan Dehlvi

---

---

maze ki baat to ye hai ki be-maza hai wo dil
tumhaari be-mazagi ka jise maza na lage

Abdul Rahman Ehsan Dehlvi

---

---

kyun na ruk ruk ke aae dam mera
tujh ko dekha ruka ruka main ne

Abdul Rahman Ehsan Dehlvi

---

---

kis ko us ka gham ho jis dam gham se wo zari kare
han magar tera hi gham aashiq ki gham-KHwari kare

Abdul Rahman Ehsan Dehlvi

---

---

kuchh tumhein tars-e-KHuda bhi hai KHuda ki waste
le chalo mujh ko musalmano usi kafir ke pas

Abdul Rahman Ehsan Dehlvi

---

---