chashm-e-mast us ki yaad aane lagi
phir zaban meri laDkhaDane lagi

Abdul Rahman Ehsan Dehlvi

---

---

andheri raat ko main roz-e-ishq samjha tha
charagh tu ne jalaya to dil bujha mera

Abdul Rahman Ehsan Dehlvi

---

---

dil mein tum ho na jalao mere dil ko dekho
mera nuqsan nahin apna ziyan kijiyega

Abdul Rahman Ehsan Dehlvi

---

---

dil-ruba tujh sa jo dil lene mein ayyari kare
phir koi dilli mein kya dil ki KHabardari kare

Abdul Rahman Ehsan Dehlvi

---

---

ek bose se murad-e-dil-e-nashad to do
kuchh na do hath se par munh se meri dad to do

Abdul Rahman Ehsan Dehlvi

---

---

filfil-e-KHal-e-malahat ke tasawwur mein tere
charcharahaT hai kabab-e-dil-e-biryan mein kya

Abdul Rahman Ehsan Dehlvi

---

---

gale se lagte hi jitne gile the bhul gae
wagarna yaad thin hum ko shikayaten kya kiya

Abdul Rahman Ehsan Dehlvi

---

---

gale se lagte hi jitne gile the bhul gae
wagarna yaad thin mujh ko shikayaten kya kya

Abdul Rahman Ehsan Dehlvi

---

---

gar hai duniya ki talab zahid-e-makkar se mil
di,n hai matlub to is talib-e-didar se mil

Abdul Rahman Ehsan Dehlvi

---

---