ai junun phir mere sar par wahi shamat aai
phir phansa zulfon mein dil phir wahi aafat aai

Aasi Ghazipuri

---

---

imar-e-gham ki chaaragari kuchh zarur hai
wo dard dil mein de ki masiha kahen jise

Aasi Ghazipuri

---

---

dard-e-dil kitna pasand aaya use
main ne jab ki aah us ne wah ki

Aasi Ghazipuri

---

---

dil diya jis ne kisi ko wo hua sahib-e-dil
hath aa jati hai kho dene se daulat dil ki

Aasi Ghazipuri

---

---

KHuda se tera chahna chahta hun
mera chahna dekh kya chahta hun

Aasi Ghazipuri

---

---

kis ko dekha un ki surat dekh kar
ji mein aata hai ki sajda kijiye

Aasi Ghazipuri

---

---

lab-e-nazuk ke bose lun to missi munh banati hai
kaf-e-pa ko agar chumun to mehndi rang lati hai

Aasi Ghazipuri

---

---

meri aankhen aur didar aap ka
ya qayamat aa gai ya KHwab hai

Aasi Ghazipuri

---

---

milne wale se rah paida kar
us se milne ki aur surat kya

Aasi Ghazipuri

---

---