andishen ishq mein duniya se nirali dekhen
dil taDap jae magar lab na hilae koi

Aal-e-Raza Raza

---

---

dard-e-dil aur jaan-lewa pursishen
ek bimari ki sau bimariyan

Aal-e-Raza Raza

---

---

hum ne be-intiha wafa kar ke
be-wafaon se intiqam liya

Aal-e-Raza Raza

---

---

qismat mein KHushi jitni thi hui aur gham bhi hai jitna hona hai
ghar phunk tamasha dekh chuke ab jangal jangal rona hai

Aal-e-Raza Raza

---

---

samajh to ye ki na samjhe KHud apna rang-e-junun
mizaj ye ki zamana mizaj-dan hota

Aal-e-Raza Raza

---

---

tum 'raza' ban ke musalman jo kafir hi rahe
tum se behtar hai wo kafir jo musalman na hua

Aal-e-Raza Raza

---

---

un ke sitam bhi kah nahin sakte kisi se hum
ghuT ghuT ke mar rahe hain ajab bebasi se hum

Aal-e-Raza Raza

---

---

us bewafa se kar ke wafa mar-miTa 'raza'
ek qissa-e-tawil ka ye iKHtisar hai

Aal-e-Raza Raza

---

---